|
第一棍：白居二熱潮短癮
多次出招打壓樓市後，政府以居屋免補價購二手居屋，令上車樓托一托高，但螳臂擋車，這班上車購買力後快被市場消耗，最近二手居屋成交不單回落，放盤叫價更越來越低，看來言股白居二潮就快冷卻。
《文人報》稱，白居二降溫天頌苑兩個月跌價一成。天水圍一度是「白居二」（白表免補地價購買居屋）客搶貨熱點，惟居屋熱潮減退，業主叫價不再心雄，樓價顯著回落。天頌苑一個三房戶獲「白居二」客以208萬元承接，成交價略低於市價3%，並較高峰期滑落8%至10%。
第二棍：工商鋪經紀冇啖好食
住宅樓都話八、九經紀爭一單，原來工商鋪代理亦不好過，最近有上市工商代理業績大跌，幸好未見紅。但有關兩大代理行工商鋪阿頭就話，如果政府不減辣，未來盤生意亦相當難撈咁話。
《阿爺報》話，1200舖市代理恐失飯碗。市場憂慮美國或提早退市引發加息潮，加上政府於2月對工商舖市場實施雙倍印花稅政策(DSD)影響，樓市交投亦步入「寒冬」，美聯工商舖中期溢利按年大跌64%至2,669.5萬元。該公司行政總裁黃漢成昨明言，若政府不修訂免除工商舖DSD，年底前全行業約3,000多名工商舖代理會流失40%人手，即約1,200多人，比今年3至4月高峰期近1,000人減少約10%。至於中原(工商舖)於今年上半年度營業額錄得逾3.076億元，按年下調23%。
第三棍：商場拆細恐掀撻訂潮
風水佬呃你十年八年，但拆商場就好快知邊個屬贏家。呢趟有個尖沙咀拆場高手，早輪快打慢沽出一批商場鋪，有買家要求延期交易，但業主就開出條件，但提供貸款息率就一點也不平宜。
《舊報》，首都廣場恐撻訂潮延成交期，加訂一成延遲兩個月，大業主提供6厘息貸款。雙倍印花稅對拆舖市場打擊沉重，拆舖業主擔心短炒變長，不惜蝕讓甚至撻訂離場。市場消息稱，投資者尹柏權年初拆售的尖沙嘴首都廣場，由於舖位成交期已屆滿，近70間舖位的業主要求延長成交期，好讓舖位有足夠時間脫手。據悉，大業主已應允延長成交期，但必須多付訂金作條件，而為免太多業主撻訂離場，大業主特別為買家提供緊急優惠貸款，最多可借成交額四成，利率為6厘。
第四棍：皇帝女加入減價潮
太古樓一向好似皇帝女唔憂賣，但最近賣樓新例下亦受影響，就好何文田個盤以龜速出售外，另一個半山盤以優惠變相減價賣，看來呢輪想個盤賣得好必無他法，惟有減價最快捷。
《太公報》話，蔚然清貨個別單位變相減8%。大市垂危，又有新盤劈價散貨。太古地產（01972）西半山蔚然15個貨尾盡數推售，平均呎價45843元，個別單位定價較新例前減2.6%，連同新增的即供5%折扣額，變相減價近8%，複式單位呎價高見6.4萬元。另恒地（00012）太子道曉珀亦出擊部署開賣。
第五棍：投資者加入掟貨行列
在物業投資市場獲利豐厚的現代教育KEN SIR，加入蝕本掟貨行列，據講係政府政策打壓下，寧願及早走貨，其實，早前大型代理老闆亦準備掟貨，但據講因為該老闆太座喝止而叫停，看來資深投資者睇淡一點不奇。
《生果報》稱，補習天王掟天巒，輸286萬。補習天王也蝕錢掟貨。市場消息稱，人稱「Ken
Sir」的現代教育創辦人吳錦倫，剛以蝕本價3,050萬元沽出上水天巒一間洋房，連使費蝕約286萬元，為Ken Sir罕見蝕錢投資。Ken Sir曾講過，「政府政策係好重要，個人係鬥佢唔過。」所以在政府出招後，補習天王都要減磅套現。 |
|
|
